भदौ ८ बाट निशाको ‘झ्यानाकुटी’ सर्यो, शिल्पाको ‘हामी शरणार्थी’ आयो
भदौ ८ गते प्रदर्शनमा आउने फिल्महरु हेरफेर भएका छन् । अनमोल केसीको ‘कृ’ ले उक्त डेट छाडेपछि अन्य निर्माताहरुले भदौ ८ मा आफ्नो फिल्म ल्याउने उद्घोष गरेका थिए । भदौ ८ मै आउने भनेर घोषणा गरिएको नायिका निशा अधिकारीले निर्माण गरेको फिल्म ‘झ्यानाकुटी’ सरेको छ । वितरक सुनिल मानन्धरले झ्नाकुटी कात्तिक १७ गतेदेखि प्रदर्शनमा आउने जानकारी दिए ।
झ्नाकुटी सरेपछि अब भदौ ८ मा फिल्म ‘हामी शरणार्थी’ आउने भएको छ । सोमबार प्रेसमिट गर्दै यो फिल्म यस मितिमा आउने जानकारी गराइयो । शिल्पा भने अर्को फिल्म विरंगना को छायाँकनका कारण प्रेसमिटमा उपस्थित हुन सकिनन् । विजय केरुङको लेखन तथा निर्देशन रहेको फिल्ममा शिल्पा र कलाकार जीवन भट्टराईको मुख्य भूमिका रहेको छ । फिल्मको अमेरिका सहित अन्य देशमा शो भैसकेको छ । भदौ ८ मा अब शिल्पाको हामी शरणार्थी सहित धुम २, देश खोज्दै जाँदा प्रदर्शनमा आउनेछन् ।
