करण र अजयको दुश्मनी सकियो, ‘सिम्बा’मा केमियो
करण जोहर र अजय देवगनको दुश्मनी अन्त्य भएको छ । हालै अजय देवगन र काजोल करणको शो ‘कफी विद करण’मा पुगेका थिए । करणले अजयलाई फिल्म पनि अफर गरेका छन् । करणको प्रोडक्शन हाउसबाट निर्माण भइरहेको फिल्म ‘सिम्बा’ मा अजय अतिथि भूमिकामा देखिने पक्का भएको छ ।
करण जोहर र अजय बिच ‘शिवाय’ फिल्म रिलिज बेला मनमुटाव भएको थियो । सामाजिक सञ्जालमा फिल्मको केहि दृश् सार्वजनिक भएपछि यसको दोष करण जोहरलाई आएको थियो । शिवायको मार्केटिङ बिग्रार्नको लागि करणले २५ लाख दिएको खबर सम्म मिडियामा बाहिरिएको थियो । त्यस समयमा अजयले काजोललाई समेत करणसँग भेटघाट गर्न बन्द गरिदिएका थिए ।
त्यस समयमा करण जोहरको फिल्म ‘ए दिल है मुश्किल’ र अजयको ‘शिवाय’ एकै दिन २८ अक्टोबर २०१६ मा रिलिज भएको थियो । पुरानो विवादलाई भुलाउन करण अजय देवगनको घर गएका थिए । काजोल र अजयले पनि हात मिलाउन सहमति गरेका छन् । सिम्वा फिल्मको निर्देशन अजयको साथी रोहित शेटटीले गर्दैछन् ।
अजय र रोहितले करिब १० वटा फिल्म एक साथ गरेका छन् । यो फिल्ममा पुलिसको केमियो भूमिकामा अजय देखिने रोहितले बताएका छन् । फिल्ममा सारा अली खान र रणवीर सिंह मुख्य भुमिकामा देखिएका छन् ।
