आयुष्मानको ‘बधाई हो’ दुई सय करोडमा
अमित शर्माले निर्देशन गरेको बलिउड फिल्म ‘बधाई हो’ दुई सय करोड क्लबमा पुगेको छ । अभिनेता आमिर खानको फिल्म ‘ठग्स अफ हिन्दोस्तान’ फल्प हुँदा यसको सिधा फाइदा आयुष्मान खुरानाको फिल्मलाई पुगेको हो । आयुष्मान अभिनित दुई सय करोड कलेक्सन गर्ने बधाई हो पहिलो फिल्म हो ।
यो फिल्मले पहिलो हप्ता ६६ करोड १० लाख, दोस्रो हप्ता २८ करोड १५ लाख, तेस्रो हप्ता १५ करोड ३५ लाख र चौथो हप्ता १० करोड ८० लाखको कमाई गरेको छ । ‘बधाई हो’ले बक्स अफिसमा ओभरसिजलाई हिसाब गर्दा दुई सय करोड कमाएको छ । भारतमा जम्मा १५८ करोड कमाइसकेको छ भने ओभरसिजबाट ४३ करोड कमाएको छ । फिल्म २० करोडमा बनेको हो । फिल्ममा आयुष्मानसँगैसान्या मल्होत्रा, नीना गुप्ता, गजराज राय लगायतको अभिनय छ ।
