रजनीकान्त र अक्षयको ‘२.०’ को रिलिज अगावै रेकर्ड !
रजनीकान्त र अक्षय कुमार अभिनित बहुप्रतिक्षित बलिउड फिल्म ‘२.०’ ले रिलिज अगाडि नै नयाँ रेकर्ड बनाएको छ । यो फिल्मको लागि करिब १२० करोड रुपैयाँको एड्भान्स बुकिङ भईसकेको छ ।
फिल्म एनालिस्टका अनुसार अमिताभ र आमिरको फिल्म ठग्स अफ हिन्दोस्तानको ओपनिङ कलेक्शन (५२ करोड)को रेर्कड तोड्ने अनुमान लगाईएको छ । यो फिल्म २९ नोबेम्बरमा रिलिज हुँदैछ । टेन्ड एर्नालिस्ट रमेश बालाले ट्वीट गर्दै लेखेका छन, ‘तमिल फिल्मकै पहिलो इतिहास यो फिल्मले बनाएको छ । जब अरु फिल्मले सय करोडको क्लबमा पार गरेको छ भने २.० ले तमिलनाडुमा एडभान्स बुकिङमै रेर्कड बनाएको छ ।’
२.० करिब ५ सय ४३ करोड बजेटमा निर्माण भएको छ । अक्षय र रजनीकान्तको दुवै जनाको करियरकै महंगो फिल्म हो । यो फिल्म विश्वकै टप १० मेगा बजेट फिल्मको सूचीमा परेको छ । जसमा २.० नौं नम्बरमा रहेको छ । २.० दुनियाँकै २४ भीएफएक्स स्टुडियोको सहयोगमा बनेको छ । एस शंकरले निर्देशन गरेको फिल्ममा अक्षय कुमार, रजनीकान्त र एमी ज्याक्सनको मुख्य भूमिका रहेको छ ।
