मेहेन्दीमा मस्ती गर्दै प्रियंका-निक (तस्बिरहरु)
प्रियंका चोपडा र निक जोनसको मेहेन्दीको फोटो सामाजिक सञ्जाल मार्फत सार्वजनिक भएको छ । यतिबेलो यी तस्बिरहरु सामाजिक सञ्जालमा भाइरल भइरहेका छन् । मेहेन्दीमा प्रियंकाले न्यूयोर्कका डिजाइनर रोल्फ लोरेनले डिजाइन गरेको गाउन लगाएकी छिन् ।
प्रियंका र निकले क्रिश्चियन रीतिरिवाज अनुसार शनिबार उम्मेद भवन प्यालेसमा बैवाहिक बन्धनमा बाँधिएका छन् । आइतबार उनीहरु हिन्दु रितिरिवाज अनुसार विवाह गर्दैछन् । आइतबारको विवाहपछि उनीहरूले दुईवटा भव्य पार्टी दिदैछन् जसमध्ये एक पार्टी नयाँ दिल्लीमा हुनेछ भने दोश्रो मुम्बईमा हुनेछ ।
क्रिश्चियन रिवाज अनुसार प्रियंकाको ससुरा पोल केविनले विवाह गराए हुन् । उनी पहिला चर्चको पास्टर थिए । विवाह बन्धनमा बाधिनु भन्दा पहिला निक र प्रियंकाले एक म्यागेजिनको लागि फोटोसुट गरेका थिए । दीपिका र रणवीरको जस्तै उनीहरुको विवाहमा पनि पाहुनालाई मोबाइल लैजान बन्देज गरिएको थियो ।
प्रियंका र निकले विवाहको फोटो राइट्स २५ करोडमा बेचेका छन् । त्यसैले फोटो बाहिर आउने डरले परिवार बाहेक कसैलाई पनि मोबाइल लैजान अनुमति दिइएको छैन ।
