दीपविरको रिसेप्सनमा शाहरुख देखि सारासम्म
दीपिका पादुकोण र रणवीर सिंहले शनिबार मुम्बईको होटल ग्रान्ड हयातमा रिसेप्सन पार्टी दिएका थिए । रिसेप्सनमा बलिउड सेलिब्रिटीको बाक्लो उपस्थिति रह्यो ।
पार्टीमा रणवीरले कालो सुट लगाएका थिए भने दीपिका रातो गाउनमा सजिएकी थिइन् । उनीहरुको खुशिमा सामेल हुनको लागि बलिउड मेघास्टार अमिताभ बच्चन देखि लिएर नयाँ पुस्ताकी सारा अली खान सम्म पुगेका थिए । यो दीपवीरको तेस्रो रिसेप्सन हो । बलिउडका हस्तिहरुको उपस्थितिले रिसेप्सन निकै खास रहेको थियो ।
रिसेप्सनमा शाहरुख खान, प्रिति जिन्टा, करिना कपूर खान, सैफ अली खान, सारा अली खान, अनन्या पाण्डे, रेखा, हेमा मालनी, शिल्पा सेठ्ठी, अनुश्का शर्मा, कपिल शर्मा, आशा पारेखसम्म आएका थिए । बलिउड स्टार अमिताभ बच्चन पत्नी जया बच्चन, छोरी श्वेता बच्चन नन्दा र बुहारी ऐश्वर्या राय बच्चनका साथ पुगेका थिए । अमिताभले रणवीरसँग डान्स गर्न समेत गरे ।
त्यसैगरी बोनी कपूर पनि पुरै परिवारका साथ पुगेका थिए । बोनी कपूर तीन छोरी अंशुला कपूर, जाह्न्वी कपूर र खुशी कपुरको साथ पुगेका थिए ।
