प्रियंकाको घुम्टो ७५ फिट लामो, केक १८ फिट अग्लो
बलिउड अभिनेत्री प्रियंका चोपडा र अमेरिकी गायक निक जोनसले गत साता जोधपुरमा भव्य रूपमा विवाह गरेका थिए । डिसेम्बर १ मा क्रिश्चियन रिवाज र डिसेम्बर २ मा हिन्दु रिवाज अनुसार यो जोडि बैवाहिक बन्धनमा बाँधिएको हो ।
प्रियंकाले बुधबार सामाजिक सञ्जालमा विवाहको पहिरन फोटो सार्वजनिक गरेकी छन् । विवाहमा प्रियंकाले अमेरिकाका प्रख्यात डिजाइनर राल्फ लरेनको गाउन लगाएकी थिइन्, जसमा २० लाख मोतीका मसिना सिक्काहरु जडान गरिएको थियो । उनले लगाएको सेतो घुम्टो ७५ फिट लामो रहेको छ ।
प्रियंकाको यो पहिरनको अहिले निकै चर्चाको विषय बनेको छ । ७५ फिट लामो घुम्टो स्याहार्नको लागि ५ जनाको सहायता लिइएको थियो । उनको विवाहको घुम्टो सहित विवाह केक पनि चर्चामा रहेको छ । क्रिश्चियन विवाहमा प्रियंका र निकको आमाले स्पीच दिएका थिए । त्यसपछि यो जोडिले डान्स गरेर परम्परा अनुसार केक काटेका थिए । यो
केक १८ फिट लामो थियो । निकको आफ्नै शेफले केक तयार पारेका हुन । निकले दुबई र कुवेतबाट शेफ बोलाएका थिए । केक काट्दै गरेको भिडियो प्रियंकाले सार्वजनिक गरेकी हुन् ।
