शाहिद कपुरलाई क्यान्सर लागेको झुठो हल्ला
केहि दिन यता सामाजिक सञ्जालमा शाहिद कपूरलाई पेटको क्यानसर भएको खबर भाइरल भइरहेको छ । शाहिदले यो खबर बाहिरिएपछि आपत्ती जनाएका छन् ।
उनले ट्विटरमा एक स्टाटस पोस्ट गरेका छन् । उनले लेखेका छन्– ‘म पुरै ठिक छु । कृपया यस्तो खबरमा विश्वास नगर्नुहोला ।’ शाहिदको परिवारले पनि यस खबर प्रति निकै आक्रोश देखाएको छ । उनीहरुले आक्रोश जनाउँदै भने ‘मान्छे जे पनि कसरी लेख्न सक्छन् । यो खबरको आधार के छ ? यस्तो कुरा फैलाउनलाई कसले अनुमति दिन्छ ?’
शाहिद कपुरको म्यानेजरले आकांक्षाले पनि यो खबर झुटो रहेको बताएकी छिन् । उनले भनिन् ‘जब यो कुरा शाहिदलाई थाहा भयो, उहाँ हाँस्नु भो । शहिद अहिले ‘कबीर सिंह’को शुटिङ गरिरहनु भएको छ ।’ यो फिल्म २०१९ मा रिलिज हुँदैछ ।
