रजनी कान्त : बस कन्डक्टरदेखि सुपरस्टारसम्म
साधारण देखिने बलिउड अभिनेता रजनी कान्त आफ्नै स्टाइलका कारण चर्चामा छन् । आजबाट उनी ६७ वर्षमा प्रवेश गर्दैछन् । उनी साउथ फिल्ममा मात्र नभई बलिउडका पनि राजा हुन् ।
आजका सुपरस्टार कुनै समयमा बस कन्डक्टर थिए । बस कन्डक्टर देखि लिएर सुपरस्टारसम्मको यात्रा पार गरेका रजनी कान्तलाई अभिनयको अनुभव थिएन । बस कन्डक्टरको काम गरिरहेको बेला एक निर्माता उनको टिकट काट्ने तरिकाले प्रभावित भए, उनले फिल्मको अवसर दिए । पहिला आफै अलमल्लमा परे तर उनले फिल्ममा काम गरे । खलनायकबाट फिल्म यात्रा सुरु गरेर बिस्तारै बिस्तारै नायकको भुमिकामा देखिए ।
उनले आफ्नो ६५ औं जन्म दिनमा चेन्नईका बाढि पिडितको लागि १० करोड रुपैया दान गरेका थिए । रजनी करौडौ सम्पतिको मालिक हुदाँ पनि साधारण रहन मन पराउछन् । उनी कति कार्यक्रममा धोती –कुर्ता लगाएरै जान्छन् । उनको रुचि मन्दिर जानु पनि हो । एक पटक मन्दिर जादाँ सिढिमा आराम गर्न बसे र एक महिलाले भिखारी सम्झेर पैसा दिइन् । ती महिलाले रजनीलाई चिनेपछि माफि मागेकी थिइन ।
रजनी कान्त यति सहजिला छन् कि कुनै पनि फिल्मको सुटिङमा फिल्मकर्मीहरुलाई कुराउदैनन् । उनी सेटमा सबै भन्दा पहिला पुग्छन् । उनको अर्का विशेषता भनेका एक सर्ट दिएको १५ मिनेट पछि नै अर्का सर्टको लागि तयार हुन्छन् । फिल्मका कामदारले तलब पाएनन् भने रजनी आफ्नै पकेटबाट पैसा दिन्छ ।
