‘२.०’ अक्षयको करियरकै सर्वाधिक व्यापार गर्ने फिल्म

अक्षय कुमार र रजनीकान्त स्टार फिल्म ‘२.०’ले बक्स अफिसमा धमाका मचाएको छ । २.० ले घरेलु बक्स अफिसमा १२ दिनमै ३०० करोड पार गरिसकेको छ । यो फिल्म २०१८ मा सबैभन्दा ठूलो फिल्म बन्न सफल भएको छ ।

यो फिल्मले विश्वव्यापी रुपमै राम्रो कलेक्सन गरेर अन्य बलिउड फिल्मलाई पछि पारेको छ । ट्रेड रिपोर्टस् अनुसार, घरेलु बक्स अफिसमा २.० को हिन्दी, तामिल र तेलुगु संस्करणको अहिलेसम्मको नेट कलेक्सन भारु ३६५ करोड गरेको छ । ३६५ कलेक्सन गरेसँगै यो फिल्म पहिलो नम्बरमा आएको छ । दोस्रोमा रणवीर कपूरको फिल्म ‘सञ्जू’ रहेको छ । जसले भारु ३४१ करोडको शानदार कलेक्सन गरेको थियो । त्यस्तै तेस्रो नम्बरमा रणवीर सिंहको ‘पद्मावत’ रहेको छ, जसले ३००.२६ करोड कमाएको थियो ।

त्यस्तै, विश्वव्यापी कलेक्सनको हेर्ने हो भने २.० को ग्रस कलेक्सन ६२० करोड भइसकेको छ । जसमा भारु ४८५ करोड भारतबाटै जम्मा गरेको छ । भारु १३५ ओभरसीजबाट आएको हो । फिल्मले लगभग भारु ३७० करोड रिलिज भन्दा पहिला नै रिकर्भ गरिसकेको छ ।

अक्षय कुमारको करियरकै सर्वाधिक कलेक्सन गर्ने फिल्ममा २.० परेको छ । अहिले सम्म ‘ट्वाइलेट एक पे्रम कथा’ले रामो कलेक्सन गरेको रेर्कड थियो । यो फिल्मले १३४.२५ करोड कलेक्सन गरेको थियो । अक्षयको १०० करोडको क्लबमा पुग्ने २.० दशौं फिल्म हो ।

अक्षयको फिल्म ट्वाइलेट एक पे्रम कथा, रुस्तम, एयरलिफ्ट, राउडी राठौर, जोली एलएलबी, गोल्ड, हाउसफुल ३, होलीडे, हाउसफुल २ एक सय करोड क्लबमा समावेश भइसकेका छन् ।