‘मैंले बनाएको फिल्ममा किस सिन हुँदैन’: इमरान हाश्मी
बलिउड अभिनेता इमरान हाश्मीले बलिउडमा सीरियल किसरको इमेज बनाइ सकेका छन् । इमरान पछिल्लो समयमा फिल्म निर्माण गर्न तिर आकर्षित भएका छन् ।
इमरान आफ्नो होम प्रोडक्सनबाट निर्माण गरेको फिल्म ‘चीट इन्डिया’को प्रमोशनमा जुटेका छन् । इमरान हाश्मीको फिल्ममा किस सिन होला भन्ने धेरैको अनुमान रहन्छ । तर उनले यो फिल्ममा किस सिन नभएको बताएका छन् । उनले भने, ‘मैंले मेरो फिल्ममा किस सिन नराख्ने घोषणा गरेको छु । मेरो फिल्म किस सिनले भन्दा पनि मेरो नामले चिनियोस् भन्ने चाहन्छु । त्यसैले यो फिल्म मात्र नभई मेरो होम प्रोडक्सनबाट बन्ने कुनै पनि फिल्ममा किस सिन हुदैन ।’
फिल्ममा मुख्य भुमिका इमरानकै रहेको छ । यो फिल्ममा उनी शिक्षकको रुपमा देखिएका छन् । माघ ११ गते रिलिज हुने फिल्ममा सौमिक सेनको लेखन निर्देशन रहेको छ ।
