सारासँग फिल्म नै फिल्म, टाइगरसँग ‘बागी ३’ खेल्दै
सारा अली खानको लागि २०१८ विशेष सावित भएको छ । उनले डिसेम्बरको पहिलो हप्ताबाट रिलिज भएको बलिउड फिल्म ‘केदारनाथ’बाट डेब्यु गरेकी हुन् । यसै महिना अर्को फिल्म ‘सिम्बा’ पनि रिलिज हुँदैछ । डेब्यु फिल्मबाट साराको निकै चर्चा भइरहेको छ ।
अहिले सारा तेस्रो फिल्ममा अनुबन्धित भएको चर्चा चल्न थालेको छ । टाइम्स अफ इन्डियाको एक रिपोर्ट अनुसार साराको चर्चालाई ध्यानमा राखेर फिल्मकर्मी साजिद नाडियाडवालाले ‘बागी ३’को लागि अप्रोच गरेका छन् । यो फिल्ममा सारा अभिनेता टाइगर श्राफसँग देखिन सक्छिन् । मेकर्सको पहिलो रोजाईमा सारा परेकी छिन् ।
तर बागी ३ को लागि सारा तयार छिन् कि छैनन् त्यो खबर भने बारिहिएको छैन । बक्स अफिसमा बागी र बागी २ ले राम्रो व्यापार गरेको थियो । बागीको पहिलो पार्टमा श्रद्धा कपुर र ‘बागी २’मा दिशा पटानी मुख्य भुमिकामा थिइन ।
अभिनेत्री साराको डेब्यु फिल्म ‘केदारनाथ’ले बक्सअफिसमा राम्रो प्रदर्शन गरिरहेको छ । यो फिल्ममा अभिनेत्री साराको कामको तरिफ गरिएको छ । फिल्ममा साराको अपोजिट सुशान्त सिंह राजपुत रहेका छन् । साराको दोसो फिल्म सिम्बाले कस्तो प्रर्दशन गर्छ हेर्न बाँकी छ ।
