‘मणिकर्णिका’ ट्रेलरमा कंगनाको कमाल काम
कंगना रनौत स्टारर फिल्म ‘मणिकर्णिकाः द क्वीन अफ झाँसी’को ट्रेलर सार्वजनिक भएको छ । ट्रेलर निकै दमदार बनेको छ । फिल्ममा झाँसीकी रानी कगंना रहेकी छन् । ट्रेलर हेर्नुस् :
ट्रेलरमा झाँसीकी रानीको लक्ष्मिवाई देखि लिएर योद्धासम्मको इतिहास देखाइएको छ । फिल्ममा कंगनासँगै अंकिता लोखन्डे र अतुल कुलकर्णीको पनि मुख्य भुमिका रहेको छ । साथै जिशु सेनगुप्ता, सुरेश उबेरोइ, निहार पाण्डे, मनिश वाधवा लगायत कलाकारहरुको अभिनय रहेको छ । कृष्ण जग मुन्डी र कंगनाले निर्देशन गरेको फिल्मलाई रामेश्वर भगत र सुरज जग्तापले छायांकन गरेका छन् । फिल्ममा १६० वर्ष पुरानो झाँसीकी रानीको कथा समेटिएको छ । यसै फिल्मबाट कंगनाले निर्देशनमा डेव्यु गरेकी छन् ।
फिल्मको कथा भि. भियेयन्द्र प्रसादले लेखेका हुन् भने पटकथा प्रशोन जोशीले तयार पारेका छन् । कोरियोग्राफी ब्रिन्दा र सरोज खानको रहेको छ भने संगीत शंकर र इशानको रहेको छ । फिल्म जनबरी २५ अर्थात माघ ११ गते रिलिज हुँदैछ ।
