साराले ‘सिम्बा’ निकै सकसले पाइन्, शिर्ष गीत रिलिज

‘केदनरनाथ’ फिल्मबाट डेब्यु गरेकी सैफअली खानकी छोरी सारा अली खानको चर्चा निकै चलिरहेको छ । अब साराका फ्यान उनको दोस्रो फिल्म ‘सिम्बा’ को प्रतिक्षामा छन् ।

भारतीय मिडिया अनुसार सिम्बाको लागि केदारनाथका निर्देशक अभिषेक कपूरले रोहित शेट्ठीलाई सारालाई लिन अनुरोध गरेका थिए । रोहित शेट्ठी सिम्बाका निर्देशक हुन् । अभिषेकले रोहितलाई फोन गरेर सारालाई उनको आगामी फिल्म सिम्बामा लिन आग्रह गरेको बताइएको छ । सारा रोहितलाई आफनो आइडल मान्छिन् । यो फिल्म पाउनको लागि उनलाई निकै संर्घष गर्नु परेको थियो । जब अभिषेक कपूरले रोहितलाई फोन गरेर सारालाई लिनु भनेका थिए । रोहितले चासो देखाएका थिएनन् । चासो नदेखाए पनि केदारनाथको फुटेज मागेका थिए । फुटेज हेरेपछि मात्र रोहिलले सारालाई फिल्ममा लिने निर्णय गरेका हुन् ।

साराले आफ्नो पहिलो फिल्म ‘केदारनाथ’ मा सुशान्त सिंह राजपुतसँग स्क्रिन सेयर गरेकी थिइन् भने सिम्बामा उनी रणवीर सिंहसँग रोमान्स गर्दैछिन् । सिम्बाको ‘आख मारे’ बोलको गीतलाई दर्शकहरुले निकै रुचाएका छन् । फिल्मको शिर्ष गीत ‘आया रे आया सिम्बा’ बोलको गीत सार्वजनिक भएको छ । फिल्म यहि डिसेम्बर २८ बाट रिलिज हुँदैछ ।