दोस्रो दिन घट्यो ‘जिरो’ को कलेक्सन
बलिउड अभिनेता शाहरुख खानको फिल्म ‘जिरो’ २१ गते डिसेम्बरबाट रिलिज भएको छ । फिल्मले बक्स अफिसमा सन्तोषजन कलेक्सन गरेको छ ।
फिल्मले पहिलो दिनमा भारु २०.१४ करोड कमाई गरेको छ । पहिलो दिनमा फिल्मले औसत कलेक्सन गरे पनि दोस्रो दिनमा फिल्मले राम्रो व्यापार गर्न सकेको छैन । फिल्मले समिक्षकबाट सकारात्मक समिक्षा पाइरहेको छैन । पहिलो दिन भन्दा फिल्मको कलेक्सन १५ प्रतिशत घटेको छ । यो फिल्मले दोस्रो दिनमा भारु १८.२२ करोड कमाएको छ । दुई दिनमा कुल भारु ३८.३६ करोड भएको छ । २ सय करोड भन्दा बढि लगानी रहेको फिल्म ४३८० पर्दामा रिलिज गरिएको थियो । शाहरुख खानको फिल्म जिरोलाई यूपी र बिहारबाट राम्रो प्रतिक्रिया आएको छ ।
सलमान खानको ‘रेस ३’ र आमिर खानको ‘ठग्स अफ हिन्दोस्तान’ पछि अब शाहरुख खान को जिरो लाई झड्का लागेको छ । शाहरुख खान, अनुष्का शर्मा, कैटरीना कैफको मुख्य भुमिका रहेको फिल्ममा सलमान खान, श्री देवी, आलिया भट्ट, करिश्मा कपूर, दीपिका पादुकोण, काजोल, रानीको केमियो रोल रहेको छ ।
