‘सिम्बा सिंघम भन्दा फरक फिल्म हो’ : रोहित शेट्टी
रोहित शेट्टीले निर्देशन गरेको फिल्म ‘सिम्बा’ यही २८ डिसेम्बर देखि रिलिज हुँदैछ । फिल्मको टे«लर रिलिज भएपछि यो फिल्मले ‘सिंघम’को झल्को दियो भन्ने प्रतिक्रिया आइरहेको छ । फिल्ममा अजय देवगन पनि हँुदा सिंघम भन्दा फरक नभएको मानिसहरुको धारणा बनेको छ ।
एक अन्तर्वार्ता रोहितले यो फिल्म सिंघम भन्दा निकै फरक रहेको बताएका छन् । उनले भने, ‘सिम्बा हेरेर मान्छे सिंघम सोच्छन भने त्यो राम्रो कुरा हो । तर सिंघम र सिम्बा बीचमा निकै फरक छ । सिंघम एक इमान्दार पुलिस अफिसर थियो भने सिम्बा भ्रष्ट छ । सिंघमको अर्थ सिंह र सिम्बाको अर्थ सिंहको बच्चा । यसकारण फिल्मको नाम ‘सिम्बा’ राखेका हौं ।’
रोहितले सिम्बा फिल्मबारे बोल्दै भने, ‘सिम्बा दर्शकलाई भरपूर मनोरञ्जन दिने फिल्म हो । यसमा रोमान्स, डान्स, एक्सन, ड्रामा र थ्रिलर छ । यदि अरु कसैले हावामा गाडी उडाए भने मानिसहरु यो रोहित शेट्टीको फिल्म हो, भन्छन् । कोहि अभिनेताले पुलिसको रोल गर्याे भने यो फिल्म सिंघम जस्तै छ भन्छन् तर जबसम्म सिम्बा हेर्दैनन् फिल्मको बारेमा थाहा हुँदैन ।’
फिल्ममा रणवीर सिंह र सारा अली खानको मुख्य भुमिका रहेको छ । साराको यो दोस्रो फिल्म हो भने रणवीरको विवाहपछि पहिलो फिल्म हो ।
