सलमानले जोगाउन सकेनन् कैटरिनाको करियर !

रणबीर कपूरसँग ब्रेकअप भएपछि कैटरिना कैफले फिल्ममा आफनो करियर खोज्न थालिन् । फिल्ममा करियर खोज्दा एक मात्र सहारा बने सलमान खान । सलमानले कैटरिनालाई ‘टाइगर जिन्दा हैं’ अनुबन्धित गराए । उनी लामो समयको अन्तरालमा फिल्ममा देखिइन् ।

त्यस लगत्तै सलमानले यश राज फिल्मस् ब्यानरबाट निर्माण भएको फिल्म ‘ठग्स अफ हिन्दोस्तान’मा कैटरिनालाई इन्ट्रि गराए । शाहरुख खानको फिल्म ‘जिरो’मा समेत कट्ररिनाको इन्ट्रि भयो । तीनटै फिल्ममा कट्ररिनाको रोल दमदार थिएन । लगातार तीन खानसँग फिल्म खेल्न पाउँदा कैटरिना मख्ख थिइन् । खानको मतलब सफलताको ग्यारेन्टी । उनी फिल्म चल्छ भन्ने कुरामा ढुक्क थिइन् । दमदार भुमिका नभएपनि हिट फिल्मसँग नाम जोड्ने आशाले उनी फिल्म गर्न तयार भइन । कैटरिनालाई आमिर खान र शाहरुख खानको फिल्मले केहि फाइदा भएन ।

टाइगर जिन्दा हैं त हिट भयो तर ठग्स अफ हिन्दोस्तान र जिरो बक्स अफिसमा फ्लप सावित भए । ठग्स अफ हिन्दोस्तानमा कैटरिनाको दुई गीत र दुई तीन वटा सिन थियो । यहि हातल जिरोमा पनि भयो । जिरोमा उनको रोल लामो थिएन । ठूलो ब्यानरको फिल्ममा सानो रोलले फरक पर्दैन भन्ने कैटरिनाको धारणा थियो । तर न त ठूलो ब्यानरको फिल्मले उनको करियर जोगाउन सक्यो न त सलमान खानले जोगाउन सके । यद्पी जिरो मा कैटरिनाले निभाएको स्टार अभिनेत्रीको रोलको भने प्रशंसा भैरहेको छ ।