रणवीरको करिअरमा ‘सिम्बा’ले बनायो नँया रेर्कड
रणवीर सिंहको एक्सन ड्रामा फिल्म ‘सिम्बा’ले बक्स अफिसमा राम्रो ओपनिङ्ग गरेको छ । फिल्मले बक्स अफिसमा पहिलो दिन भारु.२० करोड ७२ लाख जम्मा गरेको छ । दोस्रो दिन फिल्मले २३ करोड ३३ लाख कलेक्सन गरेको छ । यो फिल्मले दुई दिनमा भारु. ४४ करोड ५ लाख कमाएको छ ।
यो फिल्मले रणवीर सिंहको पछिल्लो फिल्महरुको फस्ट डे रेर्कड तोडेको छ । पद्मावतलाई पछि पार्दै रोहित शेट्टीले निर्देशन गरेको फिल्म पहिलो स्थानमा आएको छ । पद्मावतले पहिलो दिन भारु १९ करोड कमाएको थियो । गुन्डेले भारु.१६.१२, रामलीलाले भारु.१६ करोड, बाजिराव मस्तानीले भारु.१२.८० करोड कलेक्सन थियो । यो तथ्यांक तरण आर्दशले सार्वजनिक गरेका हुन् ।
करिब ८५ करोड लगानीमा बनेको फिल्म भारनमा ४०२० स्क्रीनमा र ओभरसीजमा ९६३ स्क्रीनमा रिलिज गरिएको छ । फिल्ममा रणवीर सिंहको साथै सारा अली खान र सोनु सुदको पनि मुख्य भुमिका रहेको छ ।
