कपिल शर्माको तलबमा आधा भन्दा बढि गिरावट
लामो समयपछि कपिल शर्माको शो सुरु भएको छ । शोमा फर्कीए पनि कमाई भने निकै कम भएको छ । उनको शो रुचाईएपनि नयाँ शोको लागि आधा भन्दा पनि कम तलब दिएका छन् ।
भारतिय मिडियाअनुसार कपिल शर्मालाई ‘द कपिल शर्मा शो’ हरेक एपिसोडको लागि भारु.१५ देखि २० लाख मात्र दिइएको छ । पहिला कपिलले हरेक एपिसोडको भारु.६० देखि ७० लाख लिन्थे । कपिलको शोमा उनका पुराना साथी कीकु शारदा, सुमोना चक्रवर्ती, चन्दन प्रभाकर र रोशेल रावले साथ दिएका छन् । उनीहरुको साथै कृष्णा अभिषेक र भारती सिंह पनि शोमा सामेल भएका छन् । तर सुनिल ग्रोवर भने सहभागि भएका छैनन् । सुनिल आफ्नै शो ‘कानपुर वाले खुुरानाज’मा व्यस्त छन् ।
कृष्णा र भारतीको लोकप्रियतालाई मध्यनजर गर्दै भारु.१० लाख सम्मको प्याकेज दिइएको छ । कपिलले द कपिल शर्मा शो सकिएपछि ‘फेमिली टाइम विद कपिल’ शो सञ्चालनमा ल्याएका थिए तर उनको यो शोलाई दर्शकले रुचाएनन् । यो शो फ्लप भएको कारणले कपिलको तलब कम भएको हो ।
कपिल शर्माको शोलाई सलमान खानले निर्माण गरेका हुन् । सलमान आफनो बुबा र दुई भाइका साथ शोमा आइसकेका छन् । कपिलले भर्खरै प्रेमिका गिनी चतरथसँग विवाह समेत गरिसकेका छन् ।
