मोदी जस्तै देखिए विवेक ओबरोय
भारतिय प्रधानमन्त्री नरेन्द्र मोदीको बायोपिक फिल्म ‘पीएम नरेन्द्र मोदी’को फस्र्ट लुक पोस्टर सार्वजनिक भएको छ । सार्वजनिक पोस्टरमा विवेक ओबरोय दामोदर दास मोदीको लुकमा देखिएका छन् ।
पोस्टरमा विवेकलाई प्रधानमन्त्री जस्तै देखिएको छ । उनको पछाडी राष्ट्रिय झण्डा छ । फिल्मको पन्चलाइनमा लेखिएको छ, ‘देशभक्ति नै मेरो शक्ति हो ।’ फिल्मको पोस्टर २३ भाषामा सार्वजनिक गरिएको छ । फिल्ममा मोदीको राजनितिक संघर्षलाई प्रस्तुत गरिएको छ ।
पोस्टर सार्वजनिक भएसँगै दर्शकको सामाजिक सञ्जालमा प्रतिक्रिया आउन सुरु भएको छ । कतिले पोस्टरमा विवेकको मेहेनत देखिएको छ भनेका छन् भने कतिले विवेक मोदीको भुमिका निभाउन योग्य कलाकार नै होइनन् भनेका छन् ।
उनीहरुको अनुसार यो फिल्ममा परेश रावललाई कास्ट गरेको भए राम्रो हुन्थ्यो । परेश रावल बीजेपीका सांसद पनि हुन् । पहिला परेश रावल पिएम बन्ने चर्चा पनि चलेको थियो ।
