अजय, अक्षय र रणवीर लिएर रोहितले ‘सुर्यवंशी’ बनाउने
रणवीर सिंह स्टारर फिल्म ‘सिम्बा’ बक्स अफिसमा सुपरहिट सावित भएको छ । यो फिल्मले प्रर्दशनको ११ दिन भित्र दुई सय करोडको कमाइ गरिसकेको छ ।
दुई सय करोड क्लबमा समावेश भएपछि फिल्म युनिटले सोमबार राती सक्सेस पार्टी मनायो । यस पार्टीमा बलिउड कलाकार रणवीर सिंह, दीपिका पादुकोण, रोहित शेट्टी, करण जोहर, सारा अली खान, अजय देवगन, कजोल, अक्षय कुमार, आर्यान मोखेर्जी, सोनु शुद, कुनाल खेमु, गणेश आर्चाय, मनिष मल्होत्रा लगायतका उपस्थित थिए ।
यसै कार्यक्रममा रोहित शेट्टीले निर्देशन गर्न लागेको फिल्म सुर्यवंशी अफिसियल घोषणा गरिएको छ । सिम्बा रिलिजसँगै अक्षय कुमारलाई लिएर सुर्यवंशी बन्ने घोषणा गरिएको थियो । रोहित शेट्टीले सामाजिक सञ्जालमा फोटो सेयर गर्दै मल्टिस्टार फिल्म बन्ने बताएका छन् । उनले लेखेका छन्, ‘सिम्बा, सिंघम र सुर्यवंशी आउँदैछन । के मैंले यस्तो कुरा भन्नुपर्छ जो तपाईहरुलाई थाहा छैन ?’
सुर्यवंशीमा पनि करण जोहर सहनिर्माता रहनेछन् । फिल्मको लागि रणवीर सिंह, अजय देवगन र अक्षय कुमार फाइनल भएपनि नायिका भने पक्का गरिएको छैन ।
