सुनिल शेट्टीको योद्धा लुक्स सार्वजनिक
बलिउड अभिनेता सुनिल शेट्टीे ‘मरक्कड द लायन अफ अरेबियन सी’ फिल्ममा मुख्य भुमिकामा देखिने भएका छन् । सुनिल विगत ५ वर्षदेखि फिल्ममा केमियो र स्पेशल भुमिकामा देखिदै आए थिए । यो फिल्ममा उनको मुख्य भूमिका छ ।
प्रियदर्शनले निर्देशन गर्न लागेको फिल्म १५० करोड लगानी रहेको छ । फिल्ममा सुनिल १६ औं शताब्दीको विर योद्धाको भुमिकामा देखिदैं छन् । उनले इन्स्टाग्राममा फिल्मको पहिलो लुक्स सार्वजनिक गरेका छन् । फोटो सेयर गर्दै लेखेका छन्, ‘मरक्कड द लायन अफ अरेबियन सी । यसको निर्देशन मेरो फेवरेट निर्देशक प्रियदर्शन गर्दैछन् ।’ उनी योद्धाको रुपमा प्रस्तुत छन् । सुनिलको यो लुक्स हलिउड ‘वार’ फिल्मको ‘ट्राय’बाट प्रभावित छ ।
फिल्म हिन्दी, तामिल, तेलुगु र मलयालम भाषामा रिलिज हुनेछ । फिल्मको छायाँकन अप्रिल महिनाको अन्तिमतिर सकिएपनि भिएफएक्सको काम धेरै हुने हुँदा सन् २०२० मध्ये तिर रिलिज गरिनेछ ।
