‘मणिकर्णिका’मा कंगनाको सशक्त अभिनय
बलिउड अभिनेत्री कंगना रनावतको फिल्म ‘मणिकर्णिकाः द क्विन अफ झाँसी’ आज शुक्रबार देखि बक्स अफिसमा रिलिज भइसकेको छ । फिल्ममा कंगना लक्ष्मिवाईको भुमिकामा देखिएकी छिन् ।
फिल्म रिलिज भएसँगै दर्शक र समिक्षकहरुले सामाजिक सञ्जाल मार्फत प्रतिक्रिया दिन थालिसकेका छन् । दर्शकहरुले मिश्रित प्रतिक्रिया दिएका छन् । प्राय दर्शकले फिल्म सानदार रहेको बताएका छन् भने कतिपयले फिल्मको प्रस्तुति ठिकै रहेको बताएका छन् । ऐतिहासिक फिल्म भएको हुदाँ विषयवस्तुको रिर्सच कम रहेको समिक्षकले उल्लेख गरेका छन् ।
यो फिल्मलाई राधा कृष्ण जगरलामुडी र कंगनाले निर्देशन गरेका हुन् । यो फिल्मबाट कंगनाले निर्देशनमा पनि डेब्यु गरेकी छिन् । फिल्ममा कंगनाको सशक्त अभिनय देखिएको छ । समिक्षकहरुले कंगनाले फिल्ममा भन्दा पनि बढि आफ्नो लुक्समा मेहेन्त गरेको बताएका छन् । यो फिल्मबाट टेभिसिरियलकी अंकिता लोखन्डे डेब्यु गरेकी छिन् । तर सिरियलमा जस्तो जादु फिल्ममा चलेको छैन । उनको फिल्ममा स्थान कम भएपछि चर्चामा आउन चुकेकी छन् ।
कंगनाको मणिकर्णिका प्रोमो रिलिजसँगै विवादमा मुच्छिदै आएको थियो । फिल्ममा अंग्रेजसँग पे्रम देखाएको भन्दै विवाद चर्किएको थियो । फिल्म रिलिज भएपछि उक्त विवाद उचित नरहेको भारतिय मिडियामा उल्लेख गरिएको छ । फिल्ममा कंगना रनावत, अतुल कुलकर्णी, अंकिता लोखन्डे, जिस्सु सेनगुप्ता लगायत कलाकारहरुको अभिनय रहेको छ ।
