‘…कठपुतली’ भनेकी कंगनालाई आलियाको जवाफ

हालै एक अन्तर्वातामा बलिउड अभिनेत्री कंगना रनावतले आलिया भट्टलाई करण जोहरको कठपुतली भनेकी छिन् । कंगनाको यस बयानले भारतिय मिडिया तातेको छ ।

कंगनाले आलियालाई करण जोहरको कठपुतली मात्र भनेकी छैनन् । उनले बलिउडमा आलियाको स्थान कमजोर रहको समेत बताएकी छिन् । उनले भनिन, ‘मलाई लाग्छ आलियाले महत्वपूर्ण फिल्मलाई सर्पाेट गर्न आवश्यक छ । महिला सशक्तिकरण र राष्ट्रवादमा आधारित फिल्मलाई विशेष समर्थन गर्नु जरुरी छ । यदि उनले आफ्नो आवाज उठाइनन् भने उनको अस्तित्व करण जोहरकी कठपुतली मात्र हुन्छ । यस्तो अवस्थामा म उनलाई सफल अभिनेत्री भन्न सक्दिन । मैंले उनलाई भनेको थिए यदि पैसा कमाउन मात्र फोकस गर्याै र आफ्नो आवाज उठाएनौ भने उनको सफलताको केहि महत्व छैन । आशा छ उनले सफलताको सहि अर्थ र जिम्मेदारी बुझ्योस् ।’

कंगनाले दिएको अन्तर्वार्ता पछि आलियाले पनि मिडियामा आफ्नो कुरा राखेकी छिन् । उनले भनिन, ‘कंगनाले मलाई मन पराउदिनन् भन्ने लाग्दैन । मलाई यो पनि लाग्दैन की मैंले जानी जानी उनलाई दुःखी बनाए । यदि मैंलै केहि गलती गरेको छु भने कंगनासँग व्यक्तिगत रुपमा माफि माग्छु । कंगना आफ्नो कुरा मिडियामा खुलेर राख्छिन् त्यो कुराको निकै सम्मान गर्छु । म कुनै पनि विवादको बारेमा जानकार थिइन । म सुटिङमा व्यस्थ थिए ।’

कंगनाको ‘मणिकर्णिकाः द क्विन अफ झाँसी’ रिलिज पछि बलिउडकर्मीको साथ नपाएपछि उनी भड्किएकी हुन् । कंगनाले आलियाको ‘राजी’ रिलिज भएको बेला खुलेर तारिफ गरेको बताएकी थिइन । साथै उनले मणिकर्णिका रिलिज पछि आलियाको कुनै प्रतिक्रिया नआउँदा दुःख व्यक्त गरेकी थिइन ।