साउथ फिल्ममा डेव्यु गर्दै ‘धड्क गर्ल’ जाहन्वी कपूर
बलिउड फिल्म ‘धड्क’ बाट डेब्यु गरेकी अभिनेत्री जाहन्वी कपूर निकै चर्चामा छिन् । धड्क हिट भएपछि उनलाई ‘धड्क गर्ल’ को उपनामले चिनिन थालिएको छ ।
डेब्यु फिल्मबाट एकाएक चर्चामा आएकी जान्हवीलाई ठुला पर्दाका बलिउड फिल्महरुको अफर आईरहेको छ । भारतीय मिडियाअनुसार जाहन्वी अब साउथ फिल्ममा पनि डेब्यु गर्ने भएकी छन् । जान्हवीको बुवा बोनी कपूर लामो समय देखि बलिउड ब्लकबस्टर फिल्म ‘पिंक’ को तमिल रिमेक बनाउने तयारी गरिरहेका छन् । पिंक रिमेक फिल्मको नाम ‘एके ५९’ राखिने छ ।
उक्त फिल्ममा अभिताभ बच्चनको भूमिकामा तमिल सुपरस्टार अजित हुनेछन् भने जाहन्वी कपूरले पनि यसै फिल्मबाट साउथमा डेब्यु गर्दैछिन् । एच बिनोदले निर्देशन गर्ने फिल्ममा जाहन्वी केमियो भुमिका देखिने भएकी छन् ।
