सुटिङको भिडियो बाहिरिदा ट्रोल बनिन् कंगना
बलिउड अभिनेत्री कंगना रनावतको फिल्म ‘मर्णिकणिकाः द क्विन अफ झाँसी’ बक्स अफिसमा रिलिज भईसकेको छ । फिल्ममा कंगनाको कामलाई दर्शकले निकै रुचाएका छन् । फिल्मले व्यापार पनि राम्रो गर्यो ।
फिल्मबाट सकारात्मक प्रतिकिया बटुलेकी कंगना अहिले ट्रोलको शिकार भएकी छिन् । फिल्ममा कंगनाले झाँसीकी रानी लक्ष्मीबाईको भुमिका निभाएकी छिन् । फिल्ममा कंगनाको तलवार बाजी, घोड सवारी जस्ता एक्सन रहेको छ । हालै बाहिरिएको भिडियोमा उनले नक्कली घोडा कुदाएको दृश्य देखाएको छ । जुन भिडियो अहिले सामाजिक सञ्जालमा भाइरल भइरहेको छ ।
मर्णिकणिकाबाट कंगनाले निर्देशनमा डेब्यु गरेकी छिन । उनी आफ्नै बायोपिक निर्देशन गर्न कुराले चर्चामा रहेकी छिन् । कंगना अभिनित फिल्म ‘पंगा’ र ‘मेन्टल है क्या’ छिट्टै रिलिज हुँदैछ ।
