१९ वर्षपछि सलमान र भन्सालीको सहकार्य
–एजेन्सी
बलिउड सपुरस्टार सलमान खान र सञ्जय लीला भन्सालीको १९ वर्षपछि सहकार्य हुने भएको छ । सलमानलाई लिएर भन्सालीले एक पे्रम कहानीमा आधारित फिल्म बनाउने भएका छन् ।
सलमानले १९४२ मा लभ स्टोरी नामक फिल्म गरेका थिए । जसको केही गीत भन्सालीले निर्देशन गरेका थिए । भन्सालीले पहिलो फिल्ममा सलमानलाई लिएर ‘खामोशी द म्युजिकल’ बनाए । फिल्म बक्स अफिसमा सफल हुन सकेन । पहिलो फिल्म असफल भएपछि भन्सालीले सलमानलाई लिएर ‘हम दिल दे चुके सनम’ बनाए जुन फिल्म सफल भयो । यो फिल्मको सेट देखिनै सलमान र ऐश्वर्या प्रेममा रहे । यसपछि विभिन्न कारणले गर्दा सलमान र भन्सालीको सहकार्य हुन सकेन ।
हालै भारतिय मिडियाका अनुसार सलमान र भन्सालीको सहकार्य हुने खबर बाहिरिएको छ । यो फिल्ममा सलमानको अपोजिट अभिनेत्री भने फाइनल भएको छैन । फिल्ममा दीपिका पादुकोण हुने चर्चा चलिरहेको छ । भन्सालीले ऐश्वर्या र दीपिकालाई लिएर धेरै फिल्म बनाएको हुँदा दीपिका हुन सक्ने अनुमान लगाइएको हो ।
