‘टोटल धमाल’को बक्स अफिसमा कमाल, व्यापार यति
बलिउड कमेडी फिल्म ‘टोटल धमाल’ गत साता शुक्रबार देखि प्रर्दशन भइरहेको छ । मल्टिस्टार फिल्मलाई दर्शकले निकै रुचाइरहेका छन् । टोटल धमालले बक्स अफिसमा कमाल देखाएको छ । भारतमा करिब ३,७०० स्क्रिनमा प्रर्दशन गरिएको छ भने देश बाहिर ७५० स्क्रिनमा प्रर्दशन भइरहेको छ ।
फिल्मलाई समिक्षकले सामान्य रहेको बताएका छन् । यो फिल्मले पहिलो दिनमा भन्दा पछि निकै राम्रो प्रर्दशन गरिरहेको छ । फिल्मले पहिलो दिन शुक्रबार भारु १६. ५० करोड कलेक्सन गरेको छ भने दोस्रो दिन शनिबार भारु २०.४० करोड र तेस्रो दिनमा भारु २५.५० करोड कलेक्सन गरेको छ । फिल्मले तीन दिनमा भारु ६२.४० करोड कलेक्सन गर्न सफल भएको छ । उक्त जानकारी टे«न्ड एनालिस्ट तरण आर्दशले टुविटर मार्फत दिएका हुन् ।
इन्द्र कुमारले निर्देशन गरेको फिल्ममा अजय देवगन, माधुरी दीक्षित, अनिल कपुर, अरशद वारसी, वुमन इरानी, जोनी लिभर, रितेश देशमुख, इशा गुप्ता लगायत कलाकारको अभिनय रहेको छ ।
