भन्सालीको फिल्ममा सलमानसँग ३ हिरोइनको चान्स
सञ्जय लीला भन्सालीको फिल्ममा सलमान खान हुने पक्का भइसकेको छ । तर औपचारिक सम्भौता भने भएको छैन । अहिले भारतिय मिडियामा भन्सालीले सलमान खानको अपोजिट कुन हिरोइन लिन्छन भन्ने चर्चा निकै चलिरहेको छ ।
यो फिल्मको लागि बलिउडका तीन हिरोइनको नाम अगाडि आएको छ । प्रियंका चोपडा, दीपिका पादुकोण र करीना कपूर खान । हालै प्रियंका र करीना कफि उथ करण शोमा सहभागि भएका थिए । उक्त शोमा प्रियंकाले भन्सालीसँग नयाँ प्रोजेक्टमा कुरा भइरहेको बताएकी थिइन । कुन प्रोजेक्टमा हो त्यो भने खुलासा गरेकी छैनन् । प्रियंकाले सलमान खानको भारत फिल्म छायांकनको मुखमा छोडेकी थिइन । भन्सालीको फिल्ममा सलमान र प्रियंका एक साथ देखिन्छन त ?
दीपिका पादुकोण र भन्सालीको सम्बन्ध निकै राम्रो रहेको छ । दीपिकाले भन्सालीको फिल्म ‘गोलियोको राजलीलाः रामलीला’, ‘बाजिराव मस्तानी’, ‘पद्मावत’मा अभिनय गरिसकेकी छिन् । दीपिका र सलमान अहिले सम्म एकै फिल्ममा देखिएका छैनन । त्यसैले भन्साली सलमान र दीपिकालाई सक्छन् ।
त्यसो त करीनाको पनि निकै सम्भावना रहेको छ । करीनालाई लिएर भन्साली रामलीला फिल्म बनाउन चाहन्थे । विभिन्न कारणले गर्दा सम्भव भएन । यो फिल्मबाट भन्साली करीनासँग काम गर्न चाहना पुरा गर्न सक्छन ।
