‘भारतलाई नराम्रो नजरले हेर्नेको आँखा निकाल्छौं’: कंगना
भारतको पुलवामा आतंकवादी हमला पश्चात बलिउडका कलाकारहरुले पाकिस्तान प्रति निकै आक्रोश देखाई रहेका छन् । भारतमा पाकिस्तानी कलाकारहरुको कन्टेन्टलाई समेत ब्यान्ड गरिएको छ ।
बलिउड कलाकारहरुले सामाजिक सञ्जालमा भारतको समर्थन गर्दै ‘जय हिन्द’ आवाज उठाईरहेका छन् । कंगना रनावतले भारतिय सेनाको हिम्मतलाई सलाम गर्दै भनिन्, ‘असली हिरोको जसरी जवाफदेही हमला गर्ने सबै भारतिय सेनालाई सैल्यूट गर्छु । जवाफदेही हमलाको निर्णय लिने प्रधानमन्त्री मोदीलाई धन्यवाद दिन चाहन्छु । आतंकवादीको विरुद्धमा हाम्रो लडाई सुरु भइसकेको छ । सन्देश छ– यो देशलाई जसले नराम्रो नजरले हेर्छ उसको आखाँ निकाल्छौं… जय हिन्द ।’
भारतमा कंगनालाई निडर अभिनेत्रीको रुपमा लिइन्छ । उनी हरेक कुराको जवाफ खुलेरै दिन्छिन् । १४ फेब्रुअरीमा आत्मघाती हमलाबाट करिब ४० अर्धसैनिक बलले ज्यान गुमाएका थिए ।
