करण जोहरको ‘तख्त’ मा करीनाको इन्ट्री
–एजेन्सी
बलिउड अभिनेत्री करीना कपूर खान ‘तख्त’ फिल्ममा देखिदै छिन् । करीना १८ वर्षपछि करण जोहरसँग काम गर्दैछन् । करीनाले करणको फिल्म ‘कभी खुशी कभी गम’मा काम गरेकी थिइन ।
जुन फिल्मबाट करीनाले निकै तारिफ बटुलेकी थिइन । करीनाले तख्तमा आफ्नो भुमिका बारे खुलाउदै भनिन, ‘यो पीरियड ड्रामा फिल्म हो । यो फिल्ममा मेरो निकै फरक भुमिका रहेको छ । यसमा मेरो बादशाह बेगमको भुमिका रहेको छ ।’ करण जोहरसँग काम गर्न पाउदा निकै उत्साहित रहेको बताउदै भनिन, ‘फिल्मलाई लिएर र करणसँग काम गर्न पाउदा निकै उत्साहित छु ।
करणसँग काम नगरेको धेरै भइसक्यो यो फिल्ममा काम गर्न पाउँदा एकदमै राम्रो लागेको छ ।
सबै भन्दा राम्रो कुरा त ‘कभी खुशी कभी गम’को भुमिका भन्दा निकै फरक छ । फिल्ममा मुगल राजको विषयलाई उठान गरेको छ । यो फिल्मको लागि करीनासँगै रणवीर सिंह, आलिया भट्ट, जान्वी कपुर लगायतका कलाकार पक्का भइसकेका छन् ।
