यस्तो छ आलिया भट्टले खोल्ने प्रोडक्सन हाउसको नाम
बलिउड अभिनेत्री आलिया भट्ट प्रोडक्सन हाउस खोल्ने योजनामा रहेकी छन् । उनले इन्टरनल सनसाइन प्रोडक्सन हाउस भनेर नाम समेत जुराइसकेकी छन् ।
उनले एक अन्तर्वार्तामा भनिन, ‘मेंलै प्रोडक्सन हाउसको सुरुवात गरेको छु । म एक राम्रो प्रोडक्सनको योजनामा रहेको छु । यसमा पुरै टीम काम गरिरहेका छौं । तर कुन फिल्म निर्माण गर्ने योजनामा हो, त्यो भने समय आएपछि थाहा पाउनु हुन्छ ।’
आलियाले एक अपार्टमेन्ट किनेकी छन् । तर उनले आफु बस्नको लागि नभई नयाँ अफिसको लागि भएको बताइन् । उनले भनिन, ‘हो मैले अपार्टमेन्ट किनेको छु । तर परिवारबाट टाढा हुँदैछु भन्ने कुरा गलत हो । म जहिले पनि आमा र दिदिसँग बस्न चाहन्छु । मैले किनेको अपार्टमेन्ट घरकै नजिकै छ । यो अपार्टमेन्ट अफिसको लागि किनेको हो ।’
आलियाको अभिनय यात्रा निकै सुखद रहेको छ । उनले ‘राजी’ फिल्मबाट सर्वाधिक चर्चा कमाइन् । आलिया र रणवीर सिंह स्टारर फिल्म ‘गली बोई’ सफलताका साथ प्रर्दशन भइरेको छ । यस फिल्म प्रश्चात उनी ‘ब्रह्मास्त्र’ फिल्मको छायांकनमा व्यस्त हुने छिन् । महाशिवरात्रीको अवसर पारेर फिल्मको शुभ मुर्हत गरिएको छ । फिल्ममा आलिया भट्ट र रणबीर कपूरको मुख्य भुमिका रहेको छ ।
