‘कलंक’मा रिसाह वरुण, सञ्जय र आदित्यको यस्तो लुक्स
करण जोहरको मल्टीस्टारर फिल्म ‘कलंक’को पोस्टर सार्वजनिक गरिएको छ । फिल्म युनिटले सामाजिक सञ्जाल मार्फत सञ्जय दत्त, वरुण धवन र आदित्य रोय कपुरको लुक्स सार्वजनिक गरेको हो ।
पोस्टरमा सबै जसो पात्र रिसाह मुद्रामा छन् । करण पोस्टर सार्वजजिक गर्दै लेखेका छन्, ‘वरुण धवन जफरको भुमिकामा प्रस्तुत छन् । वरण खतरासँग फ्लट गर्छन् ।’ सार्वजनिक पोस्टरमा वरुणले आखाँमा गाजल लगाएका छन् । साथै उनी लामो कपालमा देखिएका छन् । वरुणको यो लुक्सलाई दर्शकले निकै रुचाइरहेका छन् । वरुणको पछि आदित्यको लुक्स पनि सार्वजनिक गरिएको छ ।
फिल्ममा आलिया भट्ट, वरुण धवल, सोनाक्षी सिन्हा, संजय दत्त, कुणाल खेमू, हितेन तेजवानी, माधुरी दीक्षित, आदित्य रोय लगायत कलाकारहरुको अभिनय रहेको छ । फिल्म अप्रिल १९ मा रिलिज हुनेछ । पीरियड ड्रामा फिल्मलाई अभिषेक वर्मनले निर्देशन गरेका हुन् । फिल्मलाई करण जोहर, साजिद नाडियडवाला, हिरु यश जोहर र अपूर्व मेहताले सयुक्त रुपमा निर्माण गरेका छन् ।
