भन्सालीको ‘गंगुबाई’ मा प्रियंकाको प्रवल सम्भावना
–एजेन्सी
बलिउड निर्देशक तथा निर्माता सञ्जय लिला भन्सालीले ‘गंगुबाई’ फिल्म रेजिस्टर गरेका छन् । पहिला यो फिल्मको नाम ‘हीरा मन्डी’ राख्ने चर्चा थियो ।
यो फिल्म गंगुबाई कोठीवालीको जीवनीमा आधारित हुनेछ । फिल्मको लिड रोलमा प्रियंका चोपडासँग कुराकानी भइरहेको भारतिय मिडियामा उल्लेख गरिएको छ । यो फिल्ममा सलमान खान र शाहरुख खान पनि देखिन्न सक्ने प्रबल सम्भावना रहेको छ ।
केहि समय अगाडी ‘कफि उथ करण’ शोमा प्रियंकाले भन्सालीसँग नयाँ फिल्मको लागि कुराकानी भइरहेको खुलाएकी थिइन । फिल्ममा प्रियंका लेडी डनको भुमिकामा प्रस्तुत हुने छिन् । भन्साली अहिले फिल्मको स्क्रिप्टमा काम गरिरहेका छन् । प्रियंकाको ‘द स्काइ इज पिंक’ अक्टोबर ११ मा रिलिज हुँदैछ ।
