जोया अख्तर ‘गली बोई’को सिक्वेल बनाउने तयारीमा
बलिउड अभिनेता रणवीर सिंह र आलिया भट्ट स्टारर फिल्म ‘गली बोई’को सिक्वेल बन्ने भएको छ । फिल्मकी निर्देशक जोया अख्तरले सिक्वेल बन्ने खुलासा गरेकी हुन् ।
जोयाले भनिन्, ‘मेरो सह लेखक रीमा कागती र मलाई लागेको छ, कि हाम्रो देशमा हिप हप कल्चरमा आधारित धेरै फिल्म बन्न सक्छ । त्यसैले हाम्रले फिल्मको लािग स्क्रिप्ट तयार गर्न थालिसकेका छौं ।’ यो खबर बाहिरिएसँगै गली बोई २ मा फरान अख्तर हुने चर्चा चलेको छ । यस विषयमा जोयाले भनिन्, ‘फरान गल्ली बोईमा फिट हुँदैनन् । यसमा हामी दुवै दुखि छौं ।’
गली बोई सय करोड क्लबमा समावेश भइसकेको छ । यो फिल्ममा दर्शकले आलिया र रणवीरको कामलाई निकै रुचाएका छन् । साथै निर्देशक जोया अख्तरले पनि राम्रो प्रतिक्रिया बटुलेकी छिन् ।
