माधुरीले यसरी दिइन् आमिरलाई जन्मदिनको शुभकामना
बलिउड अभिनेता आमिर खान बिहिबार ५४ औं जन्मदिन मनाउँदै छन् । उनलाई सामाजिक सञ्जालमा जन्म दिनको शुभकामना दिनेहरुको ओहिरो लागेको छ ।
बलिउड कलाकार पनि सामाजिक सञ्जाल मार्फत शुभकामना दिइरहेका छन् । माधुरी दीक्षितले पुराना दिन याद गर्दै जन्म दिनको शुभकामना दिएकी छन् । उनले सामाजिक सञ्जालमा स्टाटस कोर्दै लेखेकी छन्, ‘मलाई अझै याद छ । जब हामी फिल्म दिलको सुटिङ गरिरहेको थियौ । त्यति बेला मलाई तपाईले प्रयांक गर्नु भएको थियो । आज तपाईको जन्म दिनमा यहि यादगार पललाई सम्झिदै तपाईको शानदार दिनको शुभकामना । सधैं खुशी रहनु !!’
९० को दशकमा आमिर खान र माधुुरी दीक्षितको जोडि फिल्ममा खुब जमेको थियो । उनीहरुले धेरै फिल्मसँगै नगरे पनि ‘दिल’ फिल्ममा यो जोडिलाई निकै रुचाइयो । इन्द्र कुमारले निर्देशन गरको फिल्म दिल हिट भएको थियो । आमिर खान आज बान्द्रास्थित घरमा मिडियासँग बर्थडे मनाउँदै छन् ।
