मोदीको बायोपिक ‘पिएम नरेन्द्र मोदी’को ट्रेलर
भारतको प्रधानमन्त्री नरेन्द्र मोदीको बायोपिक फिल्म ‘पिएम नरेन्द्र मोदी’को ट्रेलर सार्वजनिक भएको छ । फिल्ममा मोदिको राजनितिक जीवनमा आएको उताब चढाबलाई फिल्ममा देखाइएको छ । ट्रेलर हेर्नुस् :
मोदीको भुमिकामा विवेक ओबराय रहेका छन् । उनले मोदीको जस्तो लुक्स बनाउनको लागि निकै मिहेन्त गरेको बताउछन् । फिल्ममा विवेकसँगै, सुरेश ओबराय, बर्खा सेनगुप्ता, प्रशान्त नारायण, दर्शन कुमार, बोमन इरानी, मनोज जोसी, किरण पटेल लगायत कलाकारको अभिनय रहेको छ ।
फिल्मको छायांकन ३८ दिनमा सकिएको छ । विवेकले भने, ‘यो फिल्मको लागि सन्दिप र उमंग कुमारले निकै मोटिभेसन गर्नु भएको छ । हाम्ले एक टीमको जस्तै काम गरेको छौं । यो फिल्मप्रति दर्शकले उत्सुकता देखाउनु भएको छ । यो देखेर मलाई एकदमै खुशी लागेको छ ।’
उमंग कुमारले निर्देशन गरेको फिल्मलाई सुरेश ओबराय, सन्दिप सिंह र आनन्द पण्डितले सयुक्त रुपमा निर्माण गरेका हुन् । यो फिल्म अप्रिल ५ देखि रिलिज हुँदैछ ।
