‘न चुनाव लड्छु, न प्रचार गर्छु’: सलमान खान
–एजेन्सी
बलिउड अभिनेता सलमान खानले चुनावमा नलड्ने घोषणा गरेका छन् । केहि मिडियामा सलमान लोकसभा चुनाव लड्दैछन् भन्ने खबर फैलिएको थियो । कांगे्रसको टिकटमा उनले चुनाव लड्ने राजनीतिक दलमा चर्चा भइरहेको छ ।
उनले यसलाई खण्डन गर्दै ट्विट गरेका छन्, ‘नत म चुनावमा लड्दैछु । नत कुनै राजनीतिक पार्टीको लागि प्रचार गर्छु ।’ सलमान खानले चुनावमा नलड्ने घोषणा गरेपछि इन्दौरबाट कांग्रेसले चुनाव लड्ने कुरामा फैलाउन छोडेका छन् ।
सलमानको इन्दौरसँग विशेष सम्बन्ध रहेको छ । उनले आफ्नो बालापन यही बिताएका थिए । इन्दौरमा सलमानको क्रेज उच्च रहेको छ । चुनाव लड्ने खबर फैलिएपछि त्यहाँको मानिसहरुले सलमानले जित्छ भन्ने अनुमान लगाएका थिए ।
