जय ललिताको बायोपिक फिल्ममा कंगना पक्का
बलिउडमा बायोपिकको लहर चलेका छ । खेलाडीदेखि लिएर राजनीतिककर्मी र बलिउड सेलिब्रेटिहरुको बायोपिक फिल्म बन्न थालेको छ । बलिउडमा बायोपिक फिल्म सफल पनि भैरहेका छन् ।
रानी लक्ष्मीबाईको जिन्दगीमा आधारित ‘मर्णिकणिकाः झाँसी अफ दि क्वन’ फिल्म पश्चात कंगना रनावतले फेरी अर्को बायोपिक गर्ने भएकी छन् । कंगना अब राजनीतिक क्षेत्रकी जयललिताको बायोपिकमा देखिदै छिन् । शुक्रबार राती ट्रेन्ड एनालिस्ट तरण आर्दशले सामाजिक सञ्जाल मार्फत कंगना फाइनल भएको घोषण गरेका हुन् । उनले लेखेका छन, ‘कंगना रनावत छिट्टै जयललिताको भुमिकामा देखिदै छिन् । यो बायोपिक तमिल र हिन्दी दुई भाषामा बनाइने छ । एएल विजयद्वारा निर्देशित, केवी विजयन्द्रद्वारा लिखित र विष्णु वर्धन इन्दुरी र शैलेश आर सिंहद्वारा निर्मित ।’
जयललिताको सन २०१६ मा निधन भएको थियो । उनको राजनीतिक क्षेत्रमा साथै फिल्म क्षेत्रमा पनि पहिचान रहेको छ । तेलुगू, कन्नड, बलिउडमा सक्रिय अभिनय गरेकी जयललिता सम्मानित सीएम थिइन् । शनिबार आफ्नो ३१ औं जन्मदिन मनाउँदै कंगनाले पनि जयललिताको बायोपिकमा काम गर्ने पक्का भएको बताएकी छन् ।
