अक्षय कुमारको ‘केसरी’ सात दिनमै सय करोड क्लबमा
अक्षय कुमार स्टारर बलिउड फिल्म ‘केसरी’ सय करोड क्लबमा समावेश भएको छ । यो फिल्मले ७ दिनमै सय करोड कलेक्सन गरेर नयाँ रेकर्ड राखेको छ । अक्षयको छोटो समयमै सय करोड कलेक्सन गर्ने पहिलो फिल्म हो ।
भारतिय ट्रेन्ड एर्नालिस्ट तरण आदर्शका अनुसार, फिल्मले पहिलो दिन भारु. २१ करोड ६ लाख, दोस्रो दिन १६ करोड ७५ लाख, तेस्रो दिन १८ करोड ७५ लाख, चौथो दिन २१ करोड ५१ लाख, पाँचौ दिन ८ करोड २५ लाख, छैठौं दिन ७ करोड १७ लाख र सातौं दिन ६ करोड ५२ लाख कलेक्सन गरेको छ । फिल्मले बक्स अफिसमा सात दिनसम्म आइपुग्दा सय करोड १ लाख जम्मा गरेको छ । रणवीर सिंहको गली बोईले ८ दिनमा सय करोड पार गरेको थियो भने टोटल धमालले ९ दिनमा सय करोड कलेक्सन गरेको थियो । पहिलो दिन २१ करोड ६ लाख कमाउँदै केसरीले २०१९ को सबैभन्दा ठूलो ओपनिङको रेकर्ड राखेको छ ।
अनुराग सिंहले निर्देशन गरेको फिल्मलाई करण जोहरको प्रोडक्सनले निर्माण गरेको हो । फिल्ममा अक्षयको अपोजिट परिणिति चोपडा छिन् । सारागढीको ऐतिहासिक युद्धमा फिल्म आधारित छ ।
