‘दीपिकासँग काम गर्न आतुर छु’ : सलमान खान
–एजेन्सी
बलिउड अभिनेता सलमान खानले फिल्मी करियरमा प्राय सबै टप अभिनेत्रीसँग काम गरिसकेका छन् । तर उनले दीपिका पादुकोणसँग स्क्रिन सेयर गरेका छैनन् ।
दीपिका र सलमानको जोडि जम्ने खबर भारतिय मिडियामा छाइरहन्छ तर यो अहिलेसम्म सम्भव भएको छैन । सञ्जय लीला भन्सालीको ‘इन्साअल्लाह’मा सलमानसँग दीपिका हुन सक्ने अनुमान लगाइएको थियो । तर यो फिल्ममा आलिया भट्ट फाइनल भइन् । भारतिय मिडियासँग कुराकानी गर्दै सलमानले भने, ‘म पनि दीपिकासँग कहिले काम गर्न पाउँछु भनेर आतुर छु । अहिलेसम्म हामी दुईलाई कास्ट गर्छु भनेर कोहि आएका छैनन् ।’
उनले थप्दै भने, ‘दीपिका बिग स्टार हुन् । जहिले उनी मसँग काम गर्छु, त्यो प्रोजेक्ट उनको लायक हुनु पर्छ । अहिलेलाई उनीसँग गर्न लायक कुनै फिल्म छैन । ‘भारत’ फिल्ममा कैटरीना मेरो हीरोइन छिन् । टाइगरको तेस्रो सिरिजमा पनि कैटरीना नै हुने छिन् । ‘दबंग’मा सोनाक्षी सिन्हा लिड हिरोइन हुन् । ‘किक २’मा ज्याकलीन मेरो अपोजिट छिन् । यदि कुनै फिल्म दीपिकाको अपोजिट अफर आयो भने गर्छु ।’
