‘दबंग ३’ मा यस्तो छ ‘चुलबुल पाण्डे’ सलमानको लुक्स
बलिउड अभिनेता सलमान खानको ‘दबंग’को तेस्रो सिरिजको छायांकन सुरु भएको छ । यो फिल्मको छायांकन सलमानको जन्मस्थान इन्दौरबाट सुरु गरिएको छ ।
सलमानले सामाजिक सञ्जालमा फोटो सेयर गर्दै फिल्मको छायांकन सुरु भएको जानकारी दिएका छन् । उक्त फोटोमा सलमान ‘चुलबुल पाण्डे’को अवतारमा प्रस्तुत छन् । चुलबुल पाण्डेले कुममा चस्मा लगाउने स्टाइल चर्चित छ । दबंगमा सलमानको अपोजिट सोनाक्षी सिन्हा देखिदै आएकी छन । तेस्रो सिक्वेलमा पनि सोनाक्षीको स्थान सुरक्षित रहेको छ । सलमानले ‘भारत’ फिल्मको छायांकन सके लगत्तै दबंगको छायांकन सुरु गरेका हुन् । दबंग ३ मा सलमानको भाइ अरबाज निर्माता रहेका छन्
दबंगलाई अनुभव कश्यपले निर्देशन गरेका थिए भने यसको सिक्वेललाई अरबाज खानले निर्देशन गरेका थिए । ‘दबंग ३’ लाई प्रभु देवाले निर्देशन गर्दैछन् । यो फिल्म ३ डिसेम्बरमा रिलिज हुनेछ ।
