सलमान खानले किन बढाए सेटमा सुरक्षा व्यवस्था ?
एजेन्सी – बलिउड अभिनेता सलमान खान आगामी फिल्म ‘दबंग ३’को छायांकनमा व्यस्त छन् । यो फिल्म सेटबाट लगातार तस्बिर र भिडियो बाहिरिरहेको छ । यो कुराले सलमान तनावमा परेका छन् ।
उनले फोटो लीक गर्ने व्यक्तिप्रति एक्सन लिने सोच बनाएका छन् । भारतिय मिडियाअनुसार फिल्म सेटबाट तस्बिर बाहिरिंदा सेक्युरेटी बढाइएको छ । जयपुरमा सलमान र सोनाक्षी सिन्हा गीतको सुटिङ गरिरहेका छन् । यसै सेटबाट तस्बिर र भिडियो लिक भइरहेको छ । गीतको झलक देखेर दर्शक उत्साहित भएका छन् । तर, सलमान खुशी हुन सकेका छैन ।
सलमानले प्रोडक्शन, क्रिएटिभ र मार्केटिङ टीमसँग एक मिटिङमा आक्रोश पोखेका थिए । सलमानले सेटको पर्खाल बढाउने आदेश सहित सेटमा मोबाइल फोन प्रयोग गर्न बन्देज गरेका छन् । हाल फिल्मको सेटमा सेक्युरेटी स्टाफ समेत बढाइएको छ ।
प्रभुदेवाले निर्देशन गरिरहेको फिल्ममा सलमान र सोनाक्षीसँगै सुदिपको पनि मुख्य भुमिका रहेको छ । साउथ एक्टर सुदिप नेगेटिभ भुमिकामा देखिदैछन् ।
