बक्स अफिस कलेक्सनमा ‘मिशन मंगल’ रफ्तार जारी
एजेन्सी – बलिउड अभिनेता अक्षय कुमारको फिल्म ‘मिशन मंगल’को लगातार बक्स अफिसमा राम्रो प्रदर्शन गरिरहेको छ । यो फिल्म ‘कबिर सिंह, उरी र भारत’पछि सर्वाधिक कलेक्सन गर्ने फिल्ममा परिसकेको छ । फिल्मको बक्स अफिस कलेक्सनमा रफ्तार अझै जारी रहेको छ । यो फिल्मले सलमान खानको भारतलाई निकै टक्कर दिइरहेको छ ।
फिल्मले १० दिनमा भारु. १४९ करोड ३१ लाख कलेक्सन गरेको छ । फिल्मलाई कृष्ण जन्माष्टमीको विदाले पनि निकै राहत दिएको छ । भारतिय स्वतन्त्रता दिवसको अवसर पारेर रिलिज गरिएको फिल्मले २९ करोड १६ लाखमा ओपनिङ गरेको थियो । फिल्मले दोस्रो हप्ताको शुक्रबार ७ करोड ८३ लाख कलेक्सन गरेको छ भने शनिबार १३ करोड ३२ लाख कलेक्सन गरेको छ । यो फिल्मले हालसम्म १४९ करोड ३१ लाख कलेक्सन गरेको छ ।
त्यसैगरी, जोन अब्राहमको बाल्टा हाउसले पनि बक्स अफिसमा राम्रै प्रर्दशन गरिरहेको छ । यो फिल्मले १५ करोड ५५ लाख लाखमा ओपनिङ गरेको थियो । दोस्रो हप्ताको शुक्रबार ४ करोड १५ लाख कलेक्सन गरेको छ भने शनिबार ६ करोड ५८ लाख कलेक्सन गरेको छ । यो फिल्मले हालसम्म बक्स अफिसमा ७६ करोड ५७ लाख जम्मा गरिसकेको छ ।
