‘इन्साहअल्लाह’को सुटिङ रोकिदा पनि सलमान र अक्षयको ईदमा टक्कर
फिल्मकर्मीलाई विदा र ठूलो चार्डको लोभ हुन्छ । त्यसैगरी बलिउडमा पनि २०२० को ईदको अवसरमा फिल्म रिलिज गर्नेको लागि होडबाजी चलिरहेको छ । ईदको अवसर पारेर सलमान खान र आलिया भट्टको फिल्म ‘इन्साहअल्लाह’ले रिलिज डेट तय गरेको थियो । यहिँ मितिमा अक्षय कुमारको फिल्म ‘लक्ष्मी बम’ टक्राउन आईपुगेको छ ।
यो भन्दा पहिला अक्षय कुमारकै फिल्म ‘सुर्यवंशी’ आउने कुरा थियो । सुर्यवंशीका निर्देशक रोहित शेट्टी र सलमान खानको छलफलमा सुर्यवंशी २०२० मार्च २७ मा रिलिज गर्ने घोषणा गरियो । तर अक्षय पुनः ‘लक्ष्मी बम’ मार्फत सलमानसँग बक्स अफिसमा टक्राउने भएका छन् ।
सलमानको फिल्म इन्साहअल्लाहको छायांकन अहिलेलाई स्थगित भएको छ । सलमानले २००९ देखि हरेक वर्षको इद कब्जानै जमाईरहेका छन् । आगामी इदमा इन्साहअल्लाह रिलिज नभएपनि सलमान ‘किक २’ रिलिज तयारी रहेका छन् ।
सलमानले टुविट गर्दै लेखेका छन्, ‘यति धेरै नसोच्नुस् मेरो बारेमा, म दिलमा आउँछु र ईदमा पनि आउँछु ।’ सञ्जय लिला भन्सालीले इन्साहअल्लाहको छायांकन स्थगित गरेसँगै अक्षयको फिल्म लक्ष्मी बम इदमा आउने घोषणा गरिएको हो । तर, सलमानले ईद नछोड्ने निर्णय गरेका छन् ।
