‘फिल्म बनाउँदा अपराध गरे जसरी पेश गरियो’: साहो निर्देशक
एजेन्सी– साउथ सुपरस्टार प्रभास र श्रद्धा कपूर स्टारर बलिउड फिल्म ‘साहो’ले हिन्दी भर्जनमा १३० करोड ९८ लाख कमाई सकेको छ । तर यो फिल्मले साउथमा खासै राम्रो गर्न सकेन । समीक्षकले पनि फिल्मको निकै आलोचना गरे ।
फिल्मको आलोचना हुदाँ पनि लामो समय सम्म टीमले केहि जवाफ दिएनन् । हालै फिल्मका निर्देशक सुजितले मिडिया प्रति आक्रोश पोख्दै भने, ‘फिल्म प्रति प्रभास सर र प्रोडुसरलाई विश्वास थियो । दर्शकले पनि फिल्म मन पराए । तर मैले यो फिल्म बनाएर अपराध गरे जसरी पेश गरियो । मिडियाले पनि फिल्मलाई टारगेट गरेर रिपोर्ट सार्वजनिक गरे । फिल्म रिलिजपछि मैले अन्तर्वार्तामा नो कमेन्टस् भनेको थिए । तर त्यसलाई पनि अन्तर्वाता बनाएर छापियो ।’
सुजितले निर्देशन गरेको फिल्ममा प्रभास र श्रद्धासँगै महेश मांजरेकर, चंकी पाण्डे, मन्दिरा बेदी, ज्याकी श्राफ, नील निति मुकेश, एवलिन शर्मा, टिनू आनन्द लगायत कलाकारको अभिनय रहेको छ ।
