श्रद्धा र सुशान्तको ‘छिछोरे’को सुखद कलेक्सन
एजेन्सी– बलिउड अभिनेत्री श्रद्धा कपूर र सुशान्त सिंह राजपुतको फिल्म ‘छिछोरे’ले सुखद कलेक्सन गरिरहेको छ । यो फिल्मले मंगलबार सम्म भारु ५४ करोड १३ लाख ग्रस कलेक्सन गरेको छ ।
गत शुक्रबार देखि प्रर्दशन भईरहेको फिल्मले ७ करोड ३२ लाखमा ओपनिङ थियो । फिल्मले दोस्रो दिनमा झन्डै दोब्बर कलेक्सन गरेको छ । कलेज लाइफमा आधारित फिल्मलाई युवा पुस्ताले निकै रुचाइरहेका छन् । फिल्मले शनिबार १२ करोड २५ लाख कलेक्सन गरेको छ भने आइतबार १६ करोड ४१ लाख, सोमबार ८ करोड १० लाख, मंगलबार १० करोड ५ लाखको कलेक्सन गर्दै ५४ करोड १३ लाख कलेक्सन गरेको हो ।
नितेश तिवारीले निर्देशन गरेको फिल्ममा साजिद नाडावालाको लगानी रहेको छ । फिल्ममा श्रद्धा र सुशान्तसँगै वरुण शर्मा, तहिर राज भासिन लगायत कलाकारको अभिनय रहेको छ ।
