‘निर्देशकले आफुसँग किसिंग सीन रिहर्सल गर भने’: जरीन खान
एजेन्सी– गत वर्ष मि टू मोमेन्टबाट बलिउडका गिनेचुने कलाकारहरु फसेका थिए । मि टू मोमेन्ट सेलाउदै जादाँ सलमान खानसँग वीर फिल्ममा देखिएकी नायिका जरीन खानले कास्टिङ्ग काउचबारे मुख खोलेकी छिन् ।
उनले एक अन्तर्वातामा निर्देशकले आफुसँग किसिंग सीन रिहर्सल गर्न आग्रह गरेको बताइन् । जरीनको अनुसार, ‘जब म फिल्म क्षेत्रमा भर्खर आएकी थिए । तब मलाई एक निर्देशकले आफुसँग किसिंग सीन परर्फमेन्स गर भनेका थिए । तर मैले त्यति बेलै अस्विकार गरेको थिए ।’ जरीनको यस खुलासा पछि अभिनेत्री अनुष्का शर्मा उनको समर्थनमा देखिएकी छिन् । उनले टुविटमा लेखेकी छिन्, ‘जरीन तिमी निकै राम्री र बहादुर छौं ।’
जरीनले सन् २०१० मा बलिउड फिल्म वीरबाट डेब्यू गरेकी थिइन् । यो फिल्म बक्स अफिसमा फल्प भएको थियो ।
