टोनी कक्कडको फहरेन्हाइडमा बिहिबार कन्सर्ट हुने
युवा पुस्तामा रुचाइएका बलिउडका गायक टोनी कक्कडले काठमाडौंमा लाइभ प्रस्तुति दिने भएका छन् । सि.एन.आई. इभेन्ट्सले आयोजना हुनमा यही (सेप्टेम्बर १९) असोज २ गते बिहिबार ठमेलस्थित ’क्लब फहरेन्हाइट’मा कार्यक्रम हुन लागेको हो ।
भिजिट नेपाल २०२० को अबसरमा हुन लागेको भनिएको उक्त कार्यक्रममा उपस्थित भइ साथ दिन टोनीले एक भिडियो सन्देशमार्फत आग्रह पनि गरेका छन् । टोनीको कार्यक्रमको सुरुवातमा दि फ्रिकस्ट्रिट ब्याण्डले प्रस्तुति दिनेछ । कार्यक्रम बिहिबार साँझ ८ बजेबाट सुरु भइ बिहान ४ बजेसम्म चल्नेछ ।
टोनीले गाएका ’कोका कोला तु’, ’धिमे धिमे’, ’मिले तो हुम’ ’ओह हमसफर’ जस्ता चर्चित छन् । उनकी दिदी नेहा कक्कडले पनि केही समय अगाडी काठमाण्डूमा आफ्नो प्रस्तुती दिएकी थिइन् ।
