श्रद्धा र सुशान्तको ‘छिछोरे’ सय करोड क्लबमा
एजेन्सी– बलिउड अभिनेत्री श्रद्धा कपूर र सुशान्त सिंह राजपुत स्टारर फिल्म ‘छिछोरे’ सय करोड क्लबमा प्रवेश गरेको छ । फिल्मले प्रर्दशनको १२ औं दिनमा भारु. १०२ करोड १९ लाख कमाएको छ ।
यो फिल्मले ७ करोड ३२ लाखमा ओपनिंग गरेको थियो । रिलिजको दोस्रो दिन देखि फिल्मले राम्रो कमाई गरेको हो । कलेज लाइफमा आधारित भएको फिल्मलाई युवा पुस्ताले निकै रुचाएका छन् । ५० करोडको बजेटमा निर्मित फिल्म सुपरहिट सावित भैसकेको छ । यो फिल्मको सफलताले श्रद्धा कपूरलाई निकै राहत दिएको छ । उनको ठूलो बजेटको फिल्म ‘साहो’ले मिश्रित प्रतिक्रिया पाउदा सानो बजेटको फिल्म छिछोरेले सफलता हात पारेकोे छ ।
नितेश तिवारीले निर्देशन गरेको फिल्ममा साजिद नाडावालाको लगानी रहेको छ । फिल्ममा श्रद्धा र सुशान्तसँगै वरुण शर्मा, तहिर राज भासिन लगायत कलाकारको अभिनय रहेको छ ।
